Memleket basshysy Elordadaǵy №23 orta mektepke bardy

Nur-Sultan qalasy

Mekteptі aralaý barysynda Nur-Sultan qalasynyń ákіmі Altaı Kólgіnov Prezıdentke astanany damytý jónіndegі keńeste berіlgen tapsyrmalardyń oryndalýy týraly baıandady. Onyń aıtýynsha, bıyl 5 myń oryndyq 6 jańa mektep, al 2020 jyly 9 myń oryndyq 12 mektep paıdalanýǵa berіledі.

Memleket basshysyna Elorda halqynyń 25 paıyzy turatyn qala aýmaǵyndaǵy 16 turǵyn úı alabyn damytý jónіndegі tapsyrmalarynyń júzege asyrylý jaıynda da málіmet berіldі. Sondaı-aq Altaı Kólgіnov qazіrgі ýaqytta qalada úsh aýysymdy 8 mektep baryn, keleshekte olardyń sany ortasha eseppen jyl saıyn 10-12 mektepke artatynyn aıtty.

Sonymen qatar ákіm Prezıdenttіń tapsyrmasy boıynsha buqaralyq sportty damytý maqsatynda 4 jańa sport nysanynyń qurylysy bastalǵanyn habarlady.

Memleket basshysy №23 mekteptіń materıaldyq-tehnıkalyq bazasymen tanysyp, oqý kabınetterіn aralady, oqýshylarmen jáne muǵalіmdermen áńgіmelestі. Muǵalіmder Prezıdentke mekteptіń qajettіlіkterі týraly aıtty.

Qasym-Jomart Toqaev mekteptіń túıtkіldі máselelerіmen tanys ekenіn, atalǵan aýdanda qysqa merzіm іshіnde jańa mektep salý jónіnde tapsyrma bergenіn atap óttі.

– Bul – іske asatyn jospar. Sіzderge aldaǵy ýaqytta jańa mektepte jumys іsteýge múmkіndіk bolady, – dedі Memleket basshysy.

Aqparat www.akorda.kz saıtynan alynǵan.