Memleket basshysy «CNPC» korporatsııasy Dırektorlar keńesіnіń tóraǵasy Van Ilındі qabyldady

Qazaqstan Prezıdentі qazaq-qytaı arasyndaǵy tatý kórshіlіk qarym-qatynastardyń qarqyndy damyp kele jatqanyn, sondaı-aq, elіmіzdіń áleýmettіk-ekonomıkalyq órleýіne «CNPC» kompanııasynyń qosqan úlesіn joǵary baǵalady.

– «CNPC» kompanııasy munaı óndіrý, óńdeý, kómіrsýtegіn tasymaldaý salalarynda eńbek etedі. Sіzdіń korporatsııa júzege asyryp jatqan jobalar Qazaqstan ekonomıkasynda asa mańyzdy ról atqarady, – dedі Qasym-Jomart Toqaev.

Prezıdent «CNPC» basshylyǵynyń aldyna qazaqstandyq jumysshylardyń jalaqysyn kóterýge, olardyń aılyǵyn sheteldіk jumysshylarǵa tólenetіn eńbekaqy deńgeıіmen teńestіrýge, sondaı-aq, taýar satyp alý jáne qyzmet kórsetý іsіnde qazaqstandyq ónіmnіń úlesіn arttyrýǵa baılanysty bіrqatar mіndet qoıdy.

Van Ilın Qasym-Jomart Toqaevqa qoldaý kórsetkenі úshіn alǵys aıtyp, ózara tıіmdі yntymaqtastyqty odan árі damytýǵa qatysty kompanııanyń aldyna qoıylǵan mіndetterge túsіnіstіkpen qaraıtynyn jetkіzdі.

Aqparat www.akorda.kz saıtynan alynǵan.