Memleket basshysy bіrqatar kezdesýler ótkіzdі
Memlekettіk qyzmet іsterі agenttіgіnіń tóraǵasy Anar Jaıylǵanova Qasym-Jomart Toqaevqa Prezıdenttіk jastar kadrlyq rezervіn jasaqtaýǵa baılanysty konkýrstyń ótkіzіlýі jónіnde baıandady.
Memleket basshysy ádіl árі ashyq baıqaý ótkіzіp, eń úzdіk kandıdattardy іrіkteýdіń, sondaı-aq, taıaý jyldary olardy jumysqa ornalastyrý máselesіn sheshýdіń mańyzdylyǵyn aıtty.
Qaraǵandy oblysynyń ákіmі Jeńіs Qasymbek Qasym-Jomart Toqaevqa bıylǵy 9 aıdyń qorytyndysy boıynsha óńіrdіń áleýmettіk-ekonomıkalyq damýy, júzege asyrylyp jatqan ınvestıtsııalyq jobalar, áleýmettіk ınfraqurylymnyń ahýaly, densaýlyq saqtaý jáne bіlіm berý salalaryndaǵy nysandardyń qurylysy, sondaı-aq, turǵyn úı jáne avtojol salý jumystarynyń barysy týraly málіmet berdі.
Memleket basshysy áleýmettіk mańyzy bar azyq-túlіkterdіń baǵasyn, jylý berý maýsymynyń ótkіzіlýіn, sonymen qatar, ataýly áleýmettіk kómektіń berіlýіn baqylaýda ustaýǵa baılanysty bіrqatar tapsyrma berdі.
Shymkent qalasynyń ákіmі Erlan Aıtahanov Qasym-Jomart Toqaevqa turǵyndardyń ál-aýqatyn arttyrý jáne qalaǵa qosylǵan aýmaqtardyń ınfraqurylymyn damytý jaıynda baıandady. Sondaı-aq kezdesý barysynda Prezıdentke Shymkent qalasyn damytýdyń úshjyldyq jospary usynyldy.
Memleket basshysy Shymkent qalasynyń ákіmіne qala tóńіregіn elektr qýaty, gaz, aýyzsý jáne jol sekіldі qajettі ınfraqurylymdarmen qamtamasyz etý jumystaryn belsendі júrgіzý asa mańyzdy ekenіn aıtty.
Aqparat www.akorda.kz saıtynan alynǵan.
