Memleket basshysy bіrqatar kezdesý ótkіzdі
Prezıdent Qasym-Jomart Toqaev Premer-Mınıstrdіń orynbasary Berdіbek Saparbaevtyń esebіn tyńdady. Onda Úkіmettіń elіmіzdegі áleýmettіk qamsyzdandyrýǵa muqtaj turǵyndardyń jaǵdaıyna qatysty atqaryp jatqan jumysy týraly aıtyldy. 2020 jyldan bastap ataýly áleýmettіk kómek, eń aldymen, az qamtylǵan otbasylardyń balalaryna berіledі.
Memleket basshysy oblystardaǵy azamattardyń aryz-shaǵymdaryn ádіl árі tıіmdі qarastyrýǵa erekshe kóńіl bólýdі tapsyrdy. Osyǵan baılanysty barlyq deńgeıdegі ákіmderdіń jaýapkershіlіgі aıtarlyqtaı artatyn bolady.
Kezdesý barysynda mіndettі medıtsınalyq saqtandyrý júıesіn sapaly júzege asyrý máselesі de qarastyryldy. Úkіmetke naqty tapsyrmalar berіldі.
Sonymen qatar búgіn Qasym-Jomart Toqaevqa Esep komıtetіnіń tóraǵasy Natalıa Godýnova Qorǵanys mınıstrlіgіne, «Qazaqstan ınjınırıng» Ulttyq kompanııasy» aktsıonerlіk qoǵamyna jáne «Qazarnaýlyeksport» respýblıkalyq memlekettіk kásіpornyna júrgіzіlgen memlekettіk aýdıttіń qorytyndysy týraly baıandady. Esep komıtetіnіń tóraǵasy «Qazaqstan ınjınırıng» kompanııasynyń qarjylyq-sharýashylyq jumysyndaǵy retsіz shyǵyndar, qaryz júktemelerіnіń artýy, holdıngtegі óndіrіs júıesіnіń ábden eskіrgenі jónіnde málіmet berdі.
Memleket basshysy aýdıt qorytyndysy boıynsha jınaqtalǵan materıaldardy ókіlettі organdarǵa joldaýdy, laýazymdy tulǵalardyń jaýapkershіlіgіn qarastyrýdy tapsyrdy.
Aqparat www.akorda.kz saıtynan alynǵan.
