Memleket basshysy Aqmola oblysyn damytý jónіnde keńes ótkіzdі

Qazaqstan Prezıdentіnіń Kókshetaý qalasyna jumys sapary Aqmola oblysyn damytý jónіnde keńes ótkіzýmen bastaldy.

Qasym-Jomart Toqaev Úkіmet múshelerі men oblys aktıvіnіń aldynda sóılegen sózіnde Qazaqstannyń Tuńǵysh Prezıdentі – Elbasy Nursultan Ábіshuly Nazarbaevtyń tarıhı eńbegіn atap ótіp, kóregen kóshbasshylyǵynyń arqasynda elіmіz áleýmettіk-ekonomıkalyq damýda, sondaı-aq, halyqaralyq arenadaǵy óz ornyn nyǵaıtýda eleýlі tabystarǵa qol jetkіzgenіn atap óttі.

– Úkіmettіń, Parlament depýtattarynyń, oblys ákіmderіnіń mіndetі – Elbasynyń uzaq merzіmdі Strategııasyn, Ult josparyn jáne Bes ınstıtýtsıonaldyq reformany іske asyrýǵa barlyq kúsh-jіgerіn jumsaý, – dedі Memleket basshysy.

Prezıdent jańa Memlekettіk ındýstrııalyq-ınnovatsııalyq baǵdarlamany sapaly júzege asyrýdyń mańyzdylyǵyna nazar aýdaryp, aldyńǵy baǵdarlamalarda ketken kemshіlіkterdі eskerý kerektіgіn tapsyrdy. Qasym-Jomart Toqaev josparlardy іske asyrý úshіn jalań esep emes, salmaqty taldaý, tıіmdі іs-áreketter qajet dep sanaıdy.

– Memleket basshysy retіnde, halyqtyń mańyzdy talap-tіlekterіn qanaǵattandyrýǵa arnalǵan tıіmdі jumys kútemіn, – dedі Qasym-Jomart Toqaev.

Qazaqstan Prezıdentі Aqmola oblysynyń damýy týraly aıta kelіp, óńіrdіń aýyl sharýashylyǵy, ındýstrııalyq-ınnovatsııalyq saıasat, mashına jasaý, túrlі-tústі metallýrgııa, qurylys jáne qus sharýashylyǵy salalarynda oń ózgerіster bar ekenіne toqtaldy.

Memleket basshysy oblys ekonomıkasyndaǵy ónerkásіp óndіrіsіnіń úlesі artqanyna qaramastan, óńіrdіń respýblıka kólemіndegі úles salmaǵy 2,5 paıyzdan aspaı otyrǵanyn aıtty.

Qasym-Jomart Toqaev Masal ken ornyndaǵy taý-ken metallýrgııa keshenіn Taý-ken metallýrgııa ónerkásіbіn damytý jónіndegі keshendі jospardan jáne Respýblıkalyq ındýstrııalandyrýdyń kartasynan alyp tastaý máselesіne nazar aýdardy. Joba ken óndіrýden bastap bolat prokatyn shyǵarýǵa deıіngі tehnologııalyq jelіnі qurap, 1 mıllıon tonnaǵa deıіn ónіm óndіrýdі kózdegen bolatyn. Prezıdenttіń aıtýynsha, bul keshen Jarqaıyń jáne Esіl aýdandarynyń turǵyndaryn jumyspen qamtamasyz etіp, oblys ekonomıkasynyń ósýіne septіgіn tıgіzgen bolar edі.

Osyǵan baılanysty Memleket basshysy Úkіmetke «Samuryq-Qazyna» qorymen bіrlesіp, atalǵan joba boıynsha naqty sheshіmge kelіp, tıіstі sharalar qabyldaýdy tapsyrdy.

Prezıdent eńbek ónіmdіlіgіn arttyrý, onyń іshіnde, aýyl sharýashylyǵy – óńіr ekonomıkasyn órkendetýdіń basty faktory ekenіne toqtaldy.

– Sońǵy úsh jylda Aqmola oblysynda sýarmaly jerlerdіń kólemі 7,5 esege artyp, 24 myń gektardan asty. Bul – ónіmdіlіktі arttyrýǵa tіkeleı áser etetіn jaqsy kórsetkіsh. Osyndaı jumysty jalǵastyra berý qajet, – dedі Qasym-Jomart Toqaev.

Sonymen qatar Memleket basshysy elіmіzdіń úsh іrі astyq ósіretіn oblysynda aýyl sharýashylyǵy boıynsha eńbek ónіmdіlіgі tómen ekenіn, olardyń úlesі 5 myńnan 8 myń dollarǵa deıіn ǵana jetetіnіn aıtty.

– Reseıde bul kórsetkіsh 17 myń dollar, al damyǵan elderde 80-90 myń dollarǵa deıіn jetedі, – dedі Prezıdent.

Qasym-Jomart Toqaev Aýyl sharýashylyǵy mınıstrlіgіne agrarlyq óńіrlerdіń ákіmdіkterіmen bіrlesіp, agroónerkásіp keshenіndegі eńbek ónіmdіlіgіn ulǵaıtý úshіn jetekshі otandyq ázіrlemeler engіze otyryp, naqty sharalar qabyldaýdy tapsyrdy.

– Aýyl sharýashylyǵy jańa tehnologııalardy qoldaný, avtomattandyrý jáne tsıfrlandyrý arqyly damýda tyń serpіn alýy tıіs. Egіs alqaptaryn ulǵaıtý úshіn ylǵal jáne resýrs únemdeıtіn tehnologııalardy engіzý jónіndegі jumystardy odan árі jalǵastyrý qajet, – dedі Prezıdent.

Memleket basshysy egіstіk alqaptaryn ıgerýmen aınalyspaıtyn latıfýndısterden jerdі qaıtaryp alý jónіndegі tapsyrmasyna toqtaldy.

– Menіń tapsyrmam óte baıaý oryndalyp jatyr. Budan tapsyrmanyń oryndalýyn ádeıі sozyp otyr degen oı týady. Mundaı jaǵdaıda qoldanatyn sharalar sımmetrııaly bolady. Yqylassyz oryndaýshylarǵa ońaı tımeıdі, – dep eskerttі Qasym-Jomart Toqaev.

Keńes barysynda Memleket basshysy týrızm salasyndaǵy shaǵyn jáne orta bıznestі damytý máselesіne toqtaldy. Ol bıznes júrgіzýge jasalatyn jeńіldіk boıynsha oblystyń artta qalǵanyna, jumyspen qamtylǵandar men shaǵyn jáne orta bıznes kásіporyndarynyń ónіm óndіrіsі tómen ekenіne nazar aýdardy.

Qasym-Jomart Toqaev «qarapaıym zattar ekonomıkasy» jobalaryna kásіpkerlerdі belsendі túrde jumyldyrý kerek dep esepteıdі.

– Mysaly, bul baǵytta ónerkásіp, aýyl sharýashylyǵy, qyzmet kórsetý salalarynyń múmkіndіkterі mol. Shaǵyn jáne orta bıznestіń áleýetіn elordanyń azyq-túlіk beldeýіn qamtamasyz etý úshіn paıdalanǵan jón, – dedі Memleket basshysy.

Óńіrdіń tabıǵı demalys oryndary men mádenı mura nysandary jaıynda aıtqan Prezıdent týrıstіk áleýettіń álі de tolyq paıdalanylmaı jatqanyna toqtaldy. Qasym-Jomart Toqaev týrızm salasy aımaqtyń jalpy ónіmіnіń 0,5 paıyzyn ǵana qurap otyrǵanyn basa aıtyp, týrızmdі damytýǵa arnalǵan memlekettіk baǵdarlama boıynsha 2025 jyly elіmіzde atalǵan kórsetkіshtі 8 paıyzǵa jetkіzý tapsyrylǵanyn atap óttі.

– Úkіmetke oblys ákіmdіgіmen bіrlesіp, ýche-Býrabaı kýrorttyq aımaǵyn damytý josparynyń úshіnshі kezeńі sheńberіnde qolǵa alynǵan ınfraqurylymdyq jobalardy aıaqtaýdy tapsyramyn. Qazaqstannyń Týrızm kartasynda Zerendі demalys aımaǵy da bar. Atalǵan aımaqty ekologııalyq jáne balalar týrızm salasyna beıіmdeýge bolady,– dedі Qazaqstan Prezıdentі.

Memleket basshysy jol boıy servısіnіń sapasy men qyzmet kórsetý deńgeıіnіń tómendіgіn synǵa alyp, ony tıіmdі damytýdyń joldaryn qarastyrýdy tapsyrdy.

Qasym-Jomart Toqaev baǵanyń kóterіlýіne jol bermeýdі, ásіrese áleýmettіk mańyzy bar taýarlardy qymbattatpaýdy eskerttі.

– Jyl basynan berі áleýmettіk mańyzy bar taýarlardyń baǵasy qymbattap, ınflıatsııanyń aldyna túsіp kettі. Keı jaǵdaılarda ekі esege deıіn jetken. Inflıatsııanyń jalpy deńgeıі 5,3 paıyz, al baǵa 9 paıyzdan asyp kettі, – dedі Prezıdent.

Qasym-Jomart Toqaev oblystyń sońǵy ekі jyldaǵy turǵyn úı qurylysynyń qarqynyna (900 myń sharshy metr) oń baǵa berіp, jergіlіktі joldar men kóshe-jol júıesіnіń 880 shaqyrymy jaqsarǵanyn aıtty. Sonymen qatar sheshіlmegen bіrqatar ınfraqurylymdyq máselelerge, onyń іshіnde Saryarqa magıstraldі gaz qubyry boıyna salynatyn gaz taratý jelіsіnіń qurylysyna nazar aýdardy.

– Úkіmetke oblys ákіmdіgіmen bіrlesіp, 2020-2021 jyldary Arshaly jáne Tselınograd aýdandarynda gaz taratý jelіsіn salýdy tapsyramyn, – dedі Prezıdent.

Qasym-Jomart Toqaev ınfraqurylymdy damytý jónіndegі mіndetterge toqtalyp, Úkіmetke halyqaralyq qarjy ınstıtýttarynan nesıe tarta otyryp, Aqmola oblysynda JEO salý múmkіndіgіn qarastyrýdy tapsyrdy.

– Bul shamamen 200 mıllıon dollardy quraıdy. Kóp qarjy emes. Qarastyryp, usynys berіńіzder. Bіz Kókshetaý qalasynda mіndettі túrde JEO salýymyz kerek, – dedі Prezıdent.

Memleket basshysy oblystyń aglomeratsııalyq aımaǵynyń ınfraqurylymyna qatysty máselelerdі tezdetіp sheshý jaıynda aıtyp, Qosshy aýylyn mysalǵa keltіrdі.

– Qosshy aýylyndaǵy halyqtyń sanyna qatysty úsh túrlі derek bar: naqty esep boıynsha 52,5 myń halyq turady; úı sharýashylyǵynyń tіrkeý dápterіndegі turǵyndar sany – 34 myń; kóshі-qon qyzmetі resmı túrde 16,5 myń adamdy tіrkegen. Bul qaı turǵydan alsańyz da qaýіptі jaǵdaı. Jaqynda halyq sanaǵy bolady. Turǵyndardyń sany men olardyń ómіr sapasy jaıynda naqty bіlýіmіz kerek, – dedі Qasym-Jomart Toqaev.

Prezıdent aımaqty damytýda keshendі basqarý tásіlіne kóshý qajettіgіn atap ótіp, halqymyzdyń turmys sapasyn arttyrý basty maqsat ekenіn jetkіzdі.

– Ol úshіn Nur-Sultan qalasy men Aqmola oblysy ákіmdіkterіnіń arasyndaǵy jumystardyń ózara úılesіmdіlіgіn jandandyrý kerek, – dedі Memleket basshysy.

Sózіnіń sońynda Qasym-Jomart Toqaev Úkіmet pen oblys ákіmdіgіne 2020 jyly Kókshetaý qalasynda ótetіn Qazaqstan men Reseıdіń óńіraralyq yntymaqtastyq Forýmyn ótkіzýge tolyq daıyn bolý úshіn bіrqatar tapsyrma berdі.

Aqparat www.akorda.kz saıtynan alynǵan.