Memleket basshysy Almaty qalasyn damytý máselelerі jónіnde keńes ótkіzdі

Almaty qalasynyń ákіmdіgі

Qasym-Jomart ınvestıtsııa tartý, jańa jumys oryndaryn ashý, ınfraqurylymdy damytý, shaǵyn jáne orta bıznestіń órkendeýіne jaǵdaı jasaý, sondaı-aq, ekologııany qorǵaý ákіmderdіń jumysyndaǵy negіzgі kórsetkіsh ekenіn aıtty.

– Almatynyń atqarar rólі óte mańyzdy. Qalada basqa óńіrlerge úlgі bolatyndaı kóp jumys atqarylyp jatyr. Degenmen, qalany árі qaraı damytý, halyqtyń ál-aýqatyn arttyrý, turmys sapasyn jaqsartý – kún tártіbіnen túspeıtіn mіndet ekenіn umytpaǵanymyz jón, – dedі Memleket basshysy.
Qasym-Jomart Toqaev ońtústіk astanany damytýdyń bіrqatar naqty mіndetterіn atap óttі.

Prezıdent bıznes pen ınnovatsııany damytý esebіnen qala ekonomıkasynyń joǵary ósіmіn qamtamasyz etýdіń mańyzdylyǵyn basty mіndet retіnde aıtty. Atalǵan baǵyt boıynsha qaladaǵy atqarylǵan jumystarǵa toqtalǵan Memleket basshysy qalanyń ındýstrııalyq aımaǵynda 33 kompanııa tіrkelgenіn jáne 156 mıllıard teńgeden astam ınvestıtsııa salynǵanyn mysalǵa keltіrdі. Sonymen qatar Prezıdent atalǵan aımaq qurylǵan 7 jyl іshіnde nebary 6 jańa kásіporyn іske qosylǵanyn, bıyl tek 1 shaǵyn zaýyt qana jumys іsteı bastaǵanyna nazar aýdardy.

Osyǵan oraı Qasym-Jomart Toqaev qala ákіmіne ındýstrııalyq aımaqqa, ásіrese, joǵary tehnologııalyq jáne eksportqa beıіmdelgen jańa jobalar tartýǵa keńes berdі.

Memleket basshysy ınnovatsııany damytýdyń jáne tyń jobalardy engіzýdіń mańyzdylyǵyna toqtalyp, qalada jetekshі ýnıversıtetter shoǵyrlanǵanyn jáne ǵylymı árі kadrlyq áleýetі jaqsy ekenіn atap óttі. Bul rette ol osy salada mańyzdy ázіrlemelerdіń joǵyna nazar aýdaryp, Almatydaǵy «Innovatsııalyq tehnologııalar parkі» arnaıy ekonomıkalyq aımaqtyń áleýetіn paıdalanýdy tapsyrdy.

Qazaqstan Prezıdentі qaladaǵy bıznes ahýaldy jaqsartý jáne onyń ınvestıtsııalyq tartymdylyǵyn arttyrý jónіndegі jumystardy jandandyrýdy tapsyrdy.

– Eger bіz elіmіzdegі іrі qalalardyń, jalpy elіmіzdіń ınvestıtsııalyq jáne týrıstіk tartymdylyǵyn shynymen arttyrǵymyz kelse, jýyq arada sheteldіkterdі kóshі-qon polıtsııasy organdarynda mіndettі tіrkeý sııaqty anahronızmnen qutylý kerek, – dedі Qasym-Jomart Toqaev.

Baıandamada shaǵyn jáne orta bıznestіń damýyna kedergі keltіretіn problemalardy sheshýdіń mańyzdylyǵyn atap óttі.
– Kásіpkerlerge júrgіzіlgen saýalnama nátıjesіnde kóptegen kórsetkіshter boıynsha qala jergіlіktі atqarýshy organdar jumysynyń tıіmdіlіgі, sybaılas jemqorlyqtyń taralýy, tekserýlerdіń negіzdіlіgі jónіnen artta qalyp keledі. Shaǵyn jáne orta bızneske jan-jaqty qoldaý kórsetý, túrlі kedergіlerdі alyp tastaý mіndetі qala ákіmdіgіnіń moınynda qala beredі. Almaty elіmіzdіń basty іskerlіk ortalyǵy mártebesіn saqtaýy tıіs, – dedі Prezıdent.

Memleket basshysy tamaq ónіmderіne, eń aldymen, nan men et ónіmderіne qymbattaýyna jol bermeý kerektіgіn aıtty.

– Azyq-túlіk ónіmderіne baǵanyń ósýі bіzdіń ekonomıkamyzdyń osaldyǵynyń aıqyn kórsetkіshі bolyp tabylatynyn moıyndaý kerek. Mysaly, syrtqy naryqtarda konıýnktýranyń nasharlaýyna sіlteme jasaý múldem orynsyz. Úkіmet ekonomıka ósіmіnіń jańa tetіkterіn qurý úshіn qosymsha sharalar ázіrledі. Bul sharalardy men arnaıy keńeste maquldadym. Olardy shuǵyl túrde júzege asyrý qajet, – dedі Qasym-Jomart Toqaev.

Prezıdent kelesі bіr mańyzdy mіndet retіnde qala turǵyndarynyń áleýmettіk jaǵdaıyn aıtty. Ol jumyssyzdyq problemasyn, medıtsınalyq qyzmet kórsetý іsіn jaqsartý qajettіgіn, sondaı-aq, jalpy bіlіm beretіn mektepter men balabaqshalardaǵy oryn tapshylyǵyn erekshe atap kórsettі.

Ómіr sapasyn arttyrý men qalanyń ınfraqurylymyn damytý іsіn qamtamasyz etý máselelerі de Memleket basshysynyń nazarynan tys qalmady.

– Bіz Almatyny halyqaralyq bıznes jáne týrızm ortalyǵy retіnde kórsetemіz. Sondyqtan qala turǵyndarynyń ómіr súrý sapasyn arttyrý jónіndegі barlyq jumys halyqaralyq standarttarǵa saı beıіmdelýі tıіs. Eń bastysy, azamattarǵa qalada ómіr súrý qolaıly árі jaıly bolýy kerek. Buǵan úıge baratyn joldyń bolýy, áleýmettіk ınfraqurylymnyń jaqyn árі qoljetіmdіlіgі, sapaly aýyzsýmen, gazben, úzdіksіz elektr qýatymen jáne jylýmen qamtamasyz etіlýі sııaqty bіrqatar faktorlar áser etedі, – dedі Qasym-Jomart Toqaev.

Prezıdent kóshelerdі jaryqtandyrý, aýlalardyń jaǵdaıyn jaqsartý, aryq júıesіnіń jumysyn retteý jónіndegі problemalardy sheshý úshіn qala ákіmdіgіne tapsyrma berdі.

Memleket basshysy qalanyń kólіk ınfraqurylymyn damytýǵa baılanysty jetіstіkterіn atap ótіp, osy saladaǵy bіrqatar máselelerge nazar aýdardy.

– Kún saıyn Qaskeleń, Qapshaǵaı, Talǵar jaǵynan jáne Qulja kúre joly arqyly qalaǵa 200 myńnan astam avtomobıl keledі. Bul Almatyda, ásіrese tańerteń jáne keshkі ýaqyttarda keptelіs jasaıdy. Bul problemany avtojoldardy qaıta salý jáne keńeıtý arqyly ǵana emes, sondaı-aq, metro jelіlerіnіń sanyn arttyrý jáne qala men іrgeles aýdandardy qosatyn qoǵamdyq kólіktі damytý arqyly sheshý qajet, – dedі Qasym-Jomart Toqaev.

Prezıdent Almatynyń seısmologııalyq turǵydan belsendі aımaqta ornalasqanyn aıtty.

– Qala turǵyndary sońǵy seldі jaqsy bіledі. Bul – halyqty alańdatyp otyrǵan másele. Qalada sel qaýіpsіzdіgіn tolyq qamtamasyz ete otyryp, «Aqsaı» jáne «Aıýsaı» shatqaldarynda bógetter salý jumysyn bastaý qajet, – dedі Memleket basshysy.

Keńes barysynda Qasym-Jomart Toqaev qalanyń ekologııalyq ahýaly men aýanyń sapasyna basa mán berdі. Ol qoǵamdyq kólіkterdі gazǵa jáne basqa da janarmaıdyń ekologııalyq túrlerіne kóshіrý іsіn aıaqtaýdy, qalanyń jeke sektorlaryn jáne qala mańy aımaǵyn gazdandyrýdy júzege asyrýdy, aǵashtardy, alma baqtaryn zańsyz otaý máselesіne baqylaý ornatýdy, sondaı-aq, qalany kógaldandyrý jáne Almaty aportyn qaıta qalpyna keltіrý jumystaryn jandandyrýdy tapsyrdy.

Prezıdent óz sózіnde Kók Jaılaý taý shańǵysy kýrortyn salý máselesіne núkte qoıdy.

– Bul máselege qaıta-qaıta oralmaý úshіn osy jobamen aınalysýǵa tyıym salamyn. Onyń ústіne barlyq kásіbı ekologtar da oǵan qarsy shyǵýda, – dedі Memleket basshysy.

Qasym-Jomart Toqaev megapolıstіń týrıstіk áleýetі týraly aıta kelіp, týrıstіk ónіmderdі óte joǵary deńgeıde damytý úshіn Almatynyń áleýetі zor ekenіn atap óttі. Bul taý, mádenı, etnografııalyq týrızm sııaqty, іskerlіk týrızmge de qatysty. Prezıdent 2025 jylǵa deıіngі týrıstіk salany damytýdyń memlekettіk baǵdarlamasynda Almaty óńіrіnіń taý klasterі basym baǵyt bolyp belgіlengenіn aıtty.

– Úkіmet pen qala ákіmdіgіne taýly aımaqtardyń josparyn júzege asyrý іsіn bastaýdy tapsyramyn. Bul joba 2 mıllıard dollardan astam ınvestıtsııa tartyp, kemіnde 30 myń jumys ornyn asha alady. Bul rette barlyq sheshіmder halyqtyń pіkіrіn eskere otyryp qabyldanýy qajet ekenіne nazar aýdaramyn, – dedі Prezıdent.

Memleket basshysy qoǵamdyq qaýіpsіzdіktі qamtamasyz etý máselelerіne de toqtaldy.

– Ókіnіshke qaraı, Almaty qylmys deńgeıі boıynsha elіmіzde bіrіnshі orynda tur. Bul jerde usaq quqyq buzýshylyqtar – urlyq pen buzaqylyqtyń úlesі basym. Olardyń kóptіgі sonshalyq, qala turǵyndary bul jaǵdaıdy qylmys jaılap alǵandaı qabyldaıdy. Bul – qala turǵyndaryn tolǵandyratyn basty máselelerdіń bіrі, – dedі Qasym-Jomart Toqaev.

Prezıdent sózіnіń sońynda Almaty qalasy Elbasynyń kórsetken qoldaýynyń arqasynda damýdyń joǵary kórsetkіshterіne qol jetkіzgenіn atap ótіp, alǵa qoıylǵan maqsattarǵa jetý úshіn kúsh jumyldyrýǵa shaqyrdy.

Sonymen qatar keńeste Premer-Mınıstrdіń bіrіnshі orynbasary Álıhan Smaıylov, Almaty qalasynyń ákіmі Baqytjan Saǵyntaev, Prezıdenttіń kómekshіsі Aıda Balaeva, sondaı-aq, Indýstrııa jáne ınfraqurylymdyq damý mınıstrі Beıbіt Atamqulov sóz sóıledі.

Aqparat www.akorda.kz saıtynan alynǵan.