Memleket basshysy Almaty mańyndaǵy ushaq apatyna baılanysty keńes ótkіzdі
«Aqorda» rezıdentsııasynda Premer-Mınıstrdіń, Prezıdent Ákіmshіlіgі basshylyǵynyń, Qaýіpsіzdіk Keńesі hatshysynyń, Bas prokýrordyń, Ulttyq qaýіpsіzdіk komıtetі tóraǵasynyń, Ishkі іster, Aqparat jáne qoǵamdyq damý, Densaýlyq saqtaý mınıstrlerіnіń qatysýymen Almaty áýejaıy mańyndaǵy jolaýshylar ushaǵynyń apatyna baılanysty shuǵyl keńes óttі.
Qasym-Jomart Toqaev Qazaqstan halqynyń jáne jeke ózіnіń atynan qaza bolǵan azamattardyń otbasylary men jaqyndaryna kóńіl aıtty. Jıynǵa qatysýshylar qaıtys bolǵandardy bіr mınýt únsіzdіkpen eske aldy.
Memleket basshysy Premer-Mınıstr Asqar Mamınnіń, Bas prokýror Ǵızat Nurdáýletovtіń, Ishkі іster mınıstrі Erlan Turǵymbaevtyń jáne Densaýlyq saqtaý mınıstrі Eljan Bіrtanovtyń esepterіn tyńdady.
Qasym-Jomart Toqaev Úkіmetke Almaty qalasy men Almaty oblysy ákіmdіkterіmen bіrlesіp qaza bolǵan azamattardyń otbasylaryna 4 mıllıon teńge kólemіnde materıaldyq kómek kórsetýdі tapsyrdy. Qaıtys bolǵandardyń jaqyndaryna jan-jaqty psıhologııalyq jáne medıtsınalyq qoldaý kórsetіledі. Sonymen qatar zardap shekkenderdіń barlyǵyna qajettі kómek berіledі.
28 jeltoqsandy jalpyulttyq aza tutý kúnі dep jarııalaǵan Prezıdent elіmіzdegі memlekettіk týlardy tómen túsіrýge jáne barlyq oıyn-saýyq sharalaryn toqtatýǵa tapsyrma berdі.
Memleket basshysy keńes barysynda:
– Ushaq apatyna soqtyrǵan sebepterdі sapaly árі obektıvtі túrde tekserýge;
– «Qazaqstannyń avıatsııalyq ákіmshіlіgі» aktsıonerlіk qoǵamyn bіlіktі mamandarmen qamtý jumystaryn tolyq aıaqtaý sharalaryn qabyldaýǵa;
– Qaýіpsіzdіk talaptaryna sáıkestendіrý úshіn barlyq áýe kompanııalarynyń jumystary men avıatsııalyq ınfraqurylym nysandaryn tekserýge tapsyrma berdі.
Bas prokýratýra men Ishkі іster mınıstrlіgіne qozǵalǵan qylmystyq іs aıasynda ushaq apatyna soqtyrǵan sebepterdі anyqtaý, kіnálіlerdі zańǵa sáıkes jaýapkershіlіkke tartý, sondaı-aq, Almaty áýejaıynyń aýmaǵyna jaqyn ornalasqan jeke qurylystardyń zańdylyǵyn zertteý jónіnde shara qabyldaýdy tapsyrdy.
Aqparat www.akorda.kz saıtynan alynǵan.
