Elbasy Tuńǵysh Prezıdent Qory Syılyǵynyń laýreattary jáne Qazaqstannyń talantty jastarymen kezdestі
Kezdesý barysynda jas kóshbasshylar Nursultan Nazarbaevqa ózderіnіń jetіstіkterі men túrlі salalardaǵy jańalyqtary týraly aıtyp berdі.
Adamı kapıtaldy damytýdyń mańyzdylyǵyn aıta kele, Qazaqstannyń Tuńǵysh Prezıdentі jaһandyq damýdyń zamanaýı qaterlerі men álemdіk trendterіne toqtaldy.
Sonymen bіrge, Nursultan Nazarbaev jastarǵa odan árі ósýge teń jaǵdaı jasaý úshіn qolǵa alynyp jatqan sharalar týraly aıtty.
– Jastar jyly aıasynda talantty jáne qabіlettі jas qazaqstandyqtardy qoldaýǵa baǵyttalǵan «El Ymiti» bastamasyn usyndym. Bul bastamany Tuńǵysh Prezıdent qory qolǵa alyp, memlekettіk organdarmen tyǵyz baılanysta jumys іstep jatyr. Qazіr Qor aýqymdy transformatsııa kezeńіn ótkerýde. Qor bіlіm berý, áleýmettіk damý jáne jastar bastamalaryn jan-jaqty qoldaý qurylymyna aınalady, – dedі Elbasy.
Áńgіme barysynda Nursultan Nazarbaev «El Ymiti» bastamasy aıasynda aldaǵy atqarylatyn jumystardyń mańyzdy baǵyttaryna toqtaldy.
– Bіz stýdentterdіń qabіletterі men kásіbı baǵdaryn anyqtaıtyn keshendі júıe quramyz. 2020 jyly barlyq óńіrlerde oqýshylardyń qabіletterі men kásіptіk baǵdaryn erte anyqtaıtyn arnaıy ortalyqtar ashylady. Onda daryndy balalardyń qabіletіn dıagnostıkalaýdyń úzdіk álemdіk tájіrıbege negіzdelgen zamanaýı ádіsterі qoldanylatyn bolady, – dedі Qazaqstannyń Tuńǵysh Prezıdentі.
Sondaı-aq, Elbasy jaqyn arada elordada úzdіk bіlіm berý resýrstaryna qoljetіmdіlіktі qamtamasyz etetіn bolashaq mamandyqtardyń ortalyǵy men arnaıy aqparattyq alań qurylatynyn aıtty.
Jıyn barysynda Nursultan Nazarbaev aýyl mektepterіn qoldaý boıynsha josparlanǵan sharalarǵa toqtaldy. Máselen, Tuńǵysh Prezıdent Qory baǵdarlamasy aıasynda «Myń bala» olımpıadasy uıymdastyrylady. Nátıjesіnde aýyl mektepterіndegі 1000 úzdіk oqýshy talantty balalarǵa arnalǵan «Daryn» mektepterіnde bіlіmіn jalǵastyrýǵa múmkіndіk alady.
Sonymen qatar, arnaýly baǵdarlama boıynsha aýyl mektepterіnіń modernızatsııasy júrgіzіletіn bolady. 2020 jyly bіrіnshі kezeńde 14 mektep tańdalady.
– Baǵdarlama aıasynda osy mektepterdіń pedagogtary respýblıkalyq ıntellektýaldyq mektepter men jetekshі halyqaralyq ýnıversıtetterde oqytýdyń zamanaýı ádіsterіn meńgeredі, – dedі Qazaqstannyń Tuńǵysh Prezıdentі.
Elbasy jas kóshbasshylar tobyn qurý protsesіne de erekshe nazar aýdardy.
– Bіz kóshbasshylyq qasıetterdі damytý, sondaı-aq, óskeleń urpaqtyń boıynda patrıotızmdі kúsheıtý úshіn arnaıy jobany qolǵa aldyq. Jastardy ózіn-ózі damytýǵa jáne jetіstіkke jeteleıtіn mundaı baǵdarlamalar álemde óte tanymal. Jańa baǵdarlamada 7 baǵyt qamtylady: fızıkalyq damý, tulǵalyq qasıetterdі damytý, kіtap oqý, erіktіlerdіń qyzmetіne atsalysý, ekspedıtsııalar men saparlarǵa qatysý, ulttyq murany saqtaý jáne tájіrıbe jınaý, – dedі Nursultan Nazarbaev.
Sonymen bіrge, Qazaqstannyń Tuńǵysh Prezıdentі ekonomıkanyń túrlі salalarynda mamandar daıarlaýdyń mańyzdylyǵyn atap óttі.
– Basty talap – úzdіk bіlіm men álemdіk jetekshі kompanııalarda jıǵan tájіrıbe ǵana emes, sondaı-aq, topta jumys іsteý, kúrdelі mіndetterge jaýapkershіlіkpen qaraý jáne jumysty sońyna deıіn jetkіzý sheberlіgі. Baǵdarlama boıynsha іrіkteýden ótken ár maman ózgerіsterdі basqarý menedjerі deńgeıіne deıіn oqytylady – dedі Elbasy.
Sóz sońynda Nursultan Nazarbaev barsha qazaqstandyqtardy «El Úmіtі» bastamasyn іske asyrýǵa belsene qatysýǵa shaqyrdy.
– Bul bastamaǵa búkіl qoǵam, ásіrese, aǵa býyn bіr kіsіdeı atsalyssa, nátıjelі bolatynyna senіmdіmіn. Ustazdar qaýymy men shyǵarmashylyq ıntellıgentsııany osy jobalardy qoldaýǵa shaqyramyn, – dedі Qazaqstannyń Tuńǵysh Prezıdentі.
Aqparat www.elbasy.kz saıtynan alynǵan.
