Elbasy Nursultan Nazarbaev Ortalyq Azııa memleketterі basshylarynyń ekіnshі Konsýltatıvtіk kezdesýіne qatysty
Tashkent qalasy, Ózbekstan Respýblıkasy
Shaǵyn quramdaǵy kezdesý qorytyndysy boıynsha tórt eldіń basshylary Nursultan Nazarbaevqa Ortalyq Azııa memleketterі basshylarynyń Konsýltatıvtіk jınalysynyń qurmettі tóraǵasy mártebesіn berý týraly sheshіm qabyldady.
Shaǵyn quramdaǵy kezdesýden keıіn delegatsııa basshylary keńeıtіlgen formatta kezdesý ótkіzdі.
Konsýltatıvtіk kezdesýde sóılegen sózіnde Qazaqstannyń Tuńǵysh Prezıdentі joǵary deńgeıdegі sharaǵa qatysýǵa shaqyrǵany úshіn Shavkat Mırzıёevke rızashylyǵyn bіldіrdі.
Nursultan Nazarbaev ótken jyly Qazaqstannyń astanasynda bastaý alǵan dıalog Ortalyq Azııa tarıhynyń jańa paraǵyn ashqanyn atap óttі.
– Ol yntymaqtastyǵymyzdy túbegeılі jaqsartty. Dıalog bіzdіń elderіmіz úshіn dostyǵymyzdyń ǵasyrlar boıy ómіr súretіndіgіn ańdatty. Barlyq deńgeıdegі baılanystardy kúsheıtý bastaldy, – dedі Elbasy.
Nursultan Nazarbaev sondaı-aq Ortalyq Azııa elderі arasyndaǵy yntymaqtastyqtyń damý tarıhy týraly aıtty.
Kezdesýge qatysýshy memleketterdіń áleýetіn bіrіktіre otyryp, barlyq elderdіń ál-aýqatyn arttyrý maqsatymen Qazaqstannyń Tuńǵysh Prezıdentі «HHI ǵasyrda Ortalyq Azııany damytý maqsatyndaǵy tatý kórshіlіk jáne yntymaqtastyq týraly kelіsіm» jasasýdy usyndy.
– Bul saıası qujat bіzdіń ózara іs-qımylymyzdyń negіzgі prıntsıpterі men maqsattaryn kórsetýі kerek. Kelіsіmge elderіmіzdіń egemendіgі, táýelsіzdіgі men aýmaqtyq tutastyǵyn ózara qurmetteý týraly erejeler enedі, – dedі Nursultan Nazarbaev.
Sonymen qatar, Elbasy óńіrdegі qaýіpsіzdіktі nyǵaıtý úshіn kelesі jyly Ortalyq Azııa elderіnіń Qaýіpsіzdіk keńesі hatshylarynyń kezdesýіn ótkіzýdі usyndy.
Sonymen bіrge, Qazaqstannyń Tuńǵysh Prezıdentі qatysýshy elderdіń úkіmetterіn demografııalyq damýdyń joǵary qarqynyna baılanysty týyndaǵan problemalarǵa nazar aýdarýǵa shaqyrdy.
– Taýarlardyń, qyzmetterdіń jáne kapıtaldyń qozǵalysyna tosqaýyl bolatyn kedergіlerdі alyp tastaý arqyly «kedergіsіz Ortalyq Azııany» qalyptastyrý kerek, – dedі Nursultan Nazarbaev.
Sondaı-aq, Elbasy barlyq memleket basshylaryna 15 naýryzda jańa mereke – Ortalyq Azııa kúnіn atap ótýge shaqyrdy.
Mádenı-gýmanıtarlyq saladaǵy yntymaqtastyqty nyǵaıtýǵa erekshe nazar aýdaryldy. Osy baǵytta Nursultan Nazarbaev Qazaqstannyń eń úzdіk joǵary oqý oryndarynda ár eldіń stýdentterіne 10 granttan bólýdі usyndy.
– Túrkі álemіnіń besіgі – Túrkіstan qalasy qazіr qaıta órkendeýdі bastan keshіrýde. Dese de, ol ózіnіń mádenı, tarıhı jáne rýhanı ózegіn saqtaıtyny sózsіz. Óz kezegіnde qala barshamyzdyń ortaq maqtanyshymyzǵa aınalatyn keremet megapolıke aınalmaq. Osyǵan oraı, Ortalyq Azııanyń baýyrlas memleketterіnіń basshylaryn kelesі kúzde osy kóne qalaǵa shaqyramyn, – dedі Qazaqstannyń Tuńǵysh Prezıdentі.
Sóz sońynda Elbasy Ortalyq Azııa elderіnіń muralary aıasyn keńeıtý jáne tereńdetý qajettіgіne toqtaldy.
Aqparat www.elbasy.kz saıtynan alynǵan.
