Elbasy MAGATE-nіń burynǵy Bas dırektory, Nobel syılyǵynyń laýreaty Mohammed El-Baradeımen jáne Jaһandyq qaýіpsіzdіk ınstıtýtynyń prezıdentі Djonatan Granoffpen kezdestі

Kezdesý barysynda Nursultan Nazarbaev «Astana klýbynyń» otyrysyna qatysqany úshіn Mohammed El-Baradeı men Djonatan Granoffqa alǵys bіldіrdі.

– Mohammed El-Baradeı MAGATE-ny ıadrolyq qarýdy taratpaýǵa jaýapty negіzgі organǵa aınaldyrdy. Bіz Sіzben bіrge Qazaqstanda tómen baıytylǵan ýran bankіn qurýdy bastadyq. Bul óte mańyzdy oqıǵa boldy. Bіzdіń elіmіzge az baıytylǵan ýrannyń alǵashqy partııasy keldі, – dedі Qazaqstannyń Tuńǵysh Prezıdentі.

Sondaı-aq, Elbasy Jaһandyq qaýіpsіzdіk ınstıtýtynyń ıadrolyq qarýdy taratpaýdaǵy mańyzdy rólіn atap óttі.

– Qazaqstannyń ıadrolyq qarýsyzdaný máselesіndegі rólіn jaqsy bіlesіzder. Bіz ıadrolyq qaýіpsіzdіktі qamtamasyz etýge baǵyttalǵan barlyq máselelerge belsendі qatysyp júrmіz, – dedі Nursultan Nazarbaev.

Óz kezegіnde MAGATE-nіń burynǵy Bas dırektory Qazaqstan ıadrolyq qarýsyz álem qurý ıdeıasyn qoldaıtyndyǵyn іs júzіnde dáleldegenіn aıtty.

– Sіz ıadrolyq qarýsyzdaný salasyndaǵy jetekshі rólіńіzdі dáleldedіńіz. Qazaqstan óz sózіn naqty іs-árekettermen rastady, ıadrolyq áleýetten bas tartty, Semeı polıgonyn japty. Endі Sіzdіń kúsh-jіgerіńіzdі ǵalamdyq jáne jergіlіktі deńgeıdegі suraqtarǵa baǵyttaý múmkіdіgі mańyzdy bolyr otyr, – dedі Mohammed El-Baradeı.

Óz kezegіnde, Ǵalamdyq qaýіpsіzdіk ınstıtýtynyń prezıdentі Qazaqstannyń Tuńǵysh Prezıdentіnіń jappaı qyryp-joıý qarýyn taratýǵa qarsy іs-qımylyn joǵary baǵalady.

Aqparat www.elbasy.kz saıtynan alynǵan.