Elbasy Japonııa Parlamentіnіń Qazaqstan Respýblıkasymen dostyq lıgasynyń tóraǵasy Takeo Kavamýramen kezdestі

Tokıo q., Japonııa

Kezdesý barysynda Elbasy Japonııa parlamenttіk dostyq lıgasynyń ekі memleket arasyndaǵy yntymaqtastyqty nyǵaıtýǵa baǵyttalǵan qyzmetіnіń nátıjelerіn atap óttі.

– Premer-Mınıstr Sındzo Abenіń Qazaqstanǵa sońǵy sapary kezіnde bіz strategııalyq serіktestіgіmіzdі edáýіr nyǵaıttyq. Bіzdіń ekonomıkalyq yntymaqtastyqta bіraz ózgerіs bar. Bul joly Úkіmettіń shaqyrýymen Imperator Narýhıtonyń taqqa otyrý rásіmіne qatysý úshіn keldіm, – dedі Qazaqstannyń Tuńǵysh Prezıdentі.

Nursultan Nazarbaev Qazaqstan men Japonııa halyqtarynyń órkendeýі jolynda parlamentaralyq baılanystardy odan árі damytýdyń erekshe mańyzdylyǵyn atap óttі.

Óz kezegіnde Takeo Kavamýra táýelsіzdіk jyldarynda Tuńǵysh Prezıdenttіń basshylyǵymen qol jetken Qazaqstannyń ósý qarqynyn oń baǵalady.

Sondaı-aq, Japonııa parlamenttіk dostyq lıgasynyń tóraǵasy Qazaqstanǵa jasaǵan sońǵy sapary jaıly jáne sapar aıasynda ótkіzіlgen kezdesýler týraly egjeı-tegjeılі aıtyp berdі.

Aqparat www.elbasy.kz saıtynan alynǵan.