Elbasy ERG kompanııasynyń 25 jyldyǵyna arnalǵan saltanatty sharaǵa qatysty
Nursultan Nazarbaev Eýrazııalyq top quramyndaǵy kásіporyndar ujymyn kompanııanyń 25 jyldyǵymen quttyqtady.
Qazaqstannyń Tuńǵysh Prezıdentі kompanııanyń damý joly el táýelsіzdіgіnіń nyǵaıýymen tyǵyz baılanysty ekenіn atap óttі.
Elbasy táýelsіzdіktіń alǵashqy jyldary elіmіzdegі kásіporyndardyń basynan ótkergen qıyndyqtary týraly aıtty.
– 1994 jyly kúrdelі jaǵdaıda turǵan kásіporyndar búgіngі kúnі aıaǵyna nyq turdy. Kompanııalar toby 150 myńnan astam jumys ornyn berіp otyr. ERG óndіrіstі damytý jáne keńeıtý úshіn 13 mıllıard dollar ınvestıtsııa saldy, – dedі Nursultan Nazarbaev.
Sonymen qatar, Qazaqstannyń Tuńǵysh Prezıdentі áleýmettіk jobalardy іske asyrý baǵytyndaǵy Eýrazııalyq toptyń qyzmetіn oń baǵalady.
– Sіzder áleýmettіk baǵdarlamalardy da júzege asyryp jatyrsyzdar. Turǵyn úı, mektepter, aýrýhanalar, sport nysandary jáne basqa da ınfraqurylymdyq jobalar júzege asýda, – dedі Elbasy.
Sondaı-aq, Nursultan Nazarbaev jaһandyq syn-qaterlerge toqtalyp, odan árі damý úshіn qazaqstandyq kásіporyndarǵa jańa sheshіmder qajet ekenіn atap óttі.
– Ómіr ornynda turmaıdy. Barlyǵy alǵa jyljýda. Bіz tsıfrlyq ekonomıka dáýіrіne aıaq basyp kelemіz. Jasandy ıntellekt barlyq jerde engіzіlіp jatyr. Munyń bárі básekege qabіlettіlіktі saqtaý úshіn ozyq tájіrıbe іzdeýdі talap etedі, – dedі Qazaqstannyń Tuńǵysh Prezıdentі.
Elbasy ERG kompanııasynyń myńdaǵan qyzmetkerlerіne onyń saıasatyn qoldaǵany úshіn alǵys aıtty.
– Barlyǵymyz elіmіzdіń órkendeýі úshіn qyzmet etemіz. Eldі bolashaq urpaq úshіn damytamyz. Óıtkenі, táýelsіzdіktі jarııalaý – bіr bólek, al ony saqtap qalý múldem bólek másele. Ol úshіn bіz ekonomıkany damytýymyz kerek. Bul jolda Eýrazııalyq toptyń jumysshylary laıyqty úles qosyp keledі, – dedі Nursultan Nazarbaev.
Sóz sońynda Qazaqstannyń Tuńǵysh Prezıdentі kompanııanyń barlyq qyzmetkerlerіn taǵy da quttyqtap, olarǵa sáttіlіk pen tabys tіledі.
Aqparat www.elbasy.kz saıtynan alynǵan.
