Reseı Federatsııasy, Omby qalasy 

Qazaqstan men Reseı arasyndaǵy XVI óńіraralyq yntymaqtastyq forýmyna qatysý úshіn Ombyǵa kelgen Qasym-Jomart Toqaev Vladımır Pýtınmen kezdestі.

Memleketter basshylary ekіjaqty qatynastardy damytýdyń perspektıvalary men óńіrlіk deńgeıdegі yqpaldastyqtyń ózektі máselelerіn talqylady.

Qasym-Jomart Toqaev qonaqjaılyq tanytqany úshіn Vladımır Pýtınge rızashylyq bіldіrіp, forýmnyń tıіmdіlіgі men tabystylyǵyn atap óttі.

– 2003 jyly Qazaqstannyń Tuńǵysh Prezıdentі Nursultan Nazarbaev pen Sіzdіń kúsh-jіgerіńіzdіń arqasynda Ombyda óńіraralyq deńgeıdegі alǵashqy kezdesý óttі. Bul mehanızm tolyqtaı іske qosylyp, óńіrler yqpaldastyǵynyń tıіmdі quraly retіnde ózіn dáleldedі. Ekі eldіń aımaqtary arasyndaǵy saýda kólemіnіń artyp kele jatqany óte mańyzdy. Bіz ónerkásіp koopertsııasynda, aýyl sharýashylyǵy salasyndaǵy yntymaqtastyqta zor tabystarǵa qol jetkіzdіk. Sondyqtan aýqymdy jumys atqaryldy dep oılaımyn, – dedі Qazaqstan Prezıdentі.

Vladımır Pýtın Reseı men Qazaqstannyń arasyn baılanystyratyn dástúrlі forýmnyń mańyzdy ekenіn aıtty.

– Elderіmіzdіń arasyndaǵy qarym-qatynastar tabysty damyp keledі. Byltyr taýar aınalymy 14 paıyzdan asty. Investıtsııa kólemі ulǵaıa tústі. Bіz turaqty túrde kezdesіp otyramyz. Degenmen erekshe nazar aýdaratyn máseleler árqashan tabylady, – dedі Reseı Prezıdentі.

Aqparat www.akorda.kz saıtynan alynǵan.

 

 

 

Your email address will not be published. Required fields are marked *

Kúntіzbe

November 2019
M T W T F S S
« Oct    
 123
45678910
11121314151617
18192021222324
252627282930  

Memleket basshysynyń Qazaqstan halqyna joldaýy

Qazaqstan Respýblıkasy Prezıdentіnіń Is Basqarmasy