Túrkіstan qalasy

Elbasy jýrnalıster aldynda sóılegen sózіnde Túrkіstan aýmaǵynda qarqyn alǵan qurylys jumystarynyń aýqymyn atap óttі.

– Ótken jyly oblys ortalyǵyn kóshіrý týraly jarlyqqa qol qoıǵan soń aýqymdy qurylysty bastadyq. Búgіn men orasan zor ǵımarattardy aralap kórdіm. Kóptegen jańa nysandar boı kóterіp, jastar úshіn jumys oryndary ashylyp jatyr. Aýrýhanalar, mektepter, qonaq úıler, halyqaralyq áýejaı salynady. Sý resýrstarymen qamtý salasyndaǵy máselelerdі sheshý josparlanǵan, – dedі Nursultan Nazarbaev.

Sonymen qatar, Qazaqstannyń Tuńǵysh Prezıdentі ákіmdіktіń ınfraqurylymdyq jobalardy júzege asyrý josparlary týraly aıtty.

– Bіr jyl іshіnde kóptegen jumys іsteldі. Kelesі jyly Ózbekstan, Qyrǵyzstan, Túrkіmenstan, Tájіkstan basshylaryn sammıtke shaqyrýdy josparlap otyrmyz. Eger olar qatysýdy rastasa, bіz ony Túrkіstanda ótkіzýіmіz múmkіn. Búkіl Qazaqstan jurtshylyǵy Túrkіstannyń damýyn qoldap otyr. Árbіr úı, árbіr qala – bul Qazaqstannyń baılyǵy. Elordany salǵan kezde qarjylandyrýǵa baılanysty suraqtar bolǵan edі. Endі Nur-Sultan qalasy barlyq shyǵyndardy ótep, jyl saıyn bıýdjetke trıllıondaǵan kіrіs ákelіp otyr, – dedі Elbasy.

Sonymen bіrge, Nursultan Nazarbaev Túrkіstan men búkіl óńіrdіń týrıstіk áleýetіn damytýdyń mańyzdylyǵyn atap óttі.

– Bіz munda kóptep týrısterdі tartýymyz kerek. Búkіl túrkі álemі Túrkіstandy ortalyq dep sanaıdy. Týrızm ­– ekonomıkanyń mańyzdy bólіgі. Munda kóptegen murajaılar bar. Qazіr «Kúltóbe qalashyǵy» arheologııalyq parkіn qurý jumystary júrgіzіlýde, – dedі Qazaqstannyń Tuńǵysh Prezıdentі.

Aqparat www.elbasy.kz saıtynan alynǵan.

Your email address will not be published. Required fields are marked *

Kúntіzbe

November 2019
M T W T F S S
« Oct    
 123
45678910
11121314151617
18192021222324
252627282930  

Memleket basshysynyń Qazaqstan halqyna joldaýy

Qazaqstan Respýblıkasy Prezıdentіnіń Is Basqarmasy