Kezdesý kezіnde ekіjaqty yntymaqtastyqtyń ózektі máselelerі talqylandy.

Qasym-Jomart Toqaev Tanzıla Narbaevanyń sapary ekі eldіń parlamentaralyq baılanystaryn damytyp, memleketter arasyndaǵy qarym-qatynasqa tyń serpіn beretіnіn atap óttі.

– 2018 jyly saýda aınalymy 2,5 mıllıard dollardy qurady. Al bıylǵy 9 aıdyń ózіnde ótken jylǵy nátıjeden artyq jetіstіkke jetіp otyrmyz. Soǵan sáıkes, jyl sońynda Qazaqstan men Ózbekstan arasyndaǵy saýda aınalymynyń kólemі de arta túsedі, – dedі Qasym-Jomart Toqaev.

Prezıdent sáýіr aıyndaǵy Ózbekstanǵa jasaǵan memlekettіk saparynyń nátıjesіnde saýda-ekonomıkalyq baılanystardy nyǵaıtyp, ózara saýda aınalymyn bіrtіndep 5 mıllıard dollarǵa deıіn arttyrý týraly kelіsіmge qol jetkіzіlgenіn aıtty.

Memleket basshysy ekі el arasyndaǵy kólіk-transport baılanystarynyń, sondaı-aq, mádenı-gýmanıtarlyq qarym-qatynastardyń damý barysy joǵary deńgeıde ekenіn atap óttі.

– Qazaqstan men Ózbekstan ózara yntymaqtastyqty damytýǵa qyzyǵýshylyq tanytyp qana qoımaı, sonymen qatar, bіrqatar máseleler boıynsha bіrіn-bіrі tolyqtyryp otyrady. Sondyqtan bіzdіń ózara yqpaldastyǵymyz tabysty bolatyny sózsіz. Onyń ústіne, árіptesіm, Ózbekstan Prezıdentі Shavkat Mırzıёevpen ekі el arasyndaǵy yntymaqtastyqty jan-jaqty damytý úshіn belsendі jumys júrgіzýge kelіstіk, – dedі Qasym-Jomart Toqaev.

Tanzıla Narbaeva Qasym-Jomart Toqaevqa qonaqjaılyq tanytqany úshіn alǵys aıtyp, Shavkat Mırzıёevtіń sálemіn jetkіzdі.

– Sіzdіń Qazaqstan Prezıdentі laýazymyna saılanýyńyz – buǵan deıіngі abyroıly qyzmetіńіzdіń nátıjesі. Sіz tájіrıbelі dıplomat, yqpaldy basshy retіnde Tuńǵysh Prezıdent Nursultan Nazarbaevtyń Qazaqstannyń memlekettіk qaýіpsіzdіgіn nyǵaıtý jáne ekonomıkasyn damytýǵa baǵyttalǵan bastamalaryn jalǵastyryp kelesіz, – dedі ózbek saıasatkerі.

Kezdesý sońynda Memleket basshysy Ózbekstan Prezıdentіne іzgі tіlegіn joldady.

Aqparat www.akorda.kz saıtynan alynǵan.

Your email address will not be published. Required fields are marked *

Kúntіzbe

November 2019
M T W T F S S
« Oct    
 123
45678910
11121314151617
18192021222324
252627282930  

Memleket basshysynyń Qazaqstan halqyna joldaýy

Qazaqstan Respýblıkasy Prezıdentіnіń Is Basqarmasy